20 ildən artıq müddətdir xidmət göstərdiyimiz sənaye soyutma sektorunda, həm ölkə daxilində, həm də xaricdə həyata keçirdiyimiz minlərlə layihənin yalnız ölkə iqtisadiyyatlarına verdiyi töhfələr deyil, ATLASICS ailəsi olaraq bizim də bilik və təcrübə baxımından qazandığımız dəyərlər danılmazdır.
ATLASICS – marka dəyərlərinə, istehsalat müəssisələrinə və keçmişdəki uğurlu layihələrinə arxalanaraq, texnologiyanı izləməyən, yeniliyə qapalı, nə əməkdaşlarına, nə də müştərilərinə dəyər verməyən və nəticə etibarilə verdiyi öhdəlikləri vaxtında yerinə yetirə bilməyən sənaye soyutma şirkətlərinə meydan oxumaq məqsədi ilə qurulmuşdur. Həyata keçirdiyimiz layihələrdə tətbiq etdiyimiz texnoloji həllər – ölkələr və cəmiyyətlər üçün enerji səmərəliliyi təmin etməklə yanaşı, sənaye soyutma sahəsinə də texnoloji yeniliklər gətirir.
2014-cü ildə, nəzarətli atmosfer avadanlıqlarının istehsalı və layihələndirilməsi sahəsində dünyanın lider şirkəti olan Hollandiyalı VAN AMERONGEN firması ilə əməkdaşlıq müqaviləsi imzalayaraq, bu texnologiyanı layihələrimizə daxil etdik. Bu texnologiya sayəsində, ən müasir nəzarətli atmosfer anbarları sahəsində dünya səviyyəsində qabaqcıl tətbiqləri həyata keçirməkdəyik. Eyni zamanda, kartof və soğan saxlama anbarları üçün PLC nəzarətli tam avtomatik havalandırma sistemləri təqdim edən Hollandiyanın ALLROUND şirkəti ilə əməkdaşlığımız bu sahədə gücümüzə güc qatmışdır. 2015-ci ildə İngiltərə və Azərbaycanda açdığımız satış ofisləri ilə birlikdə hazırda 11 fərqli ölkədə 16 satış nöqtəsinə çatmışıq.
Müştərilərimizə daha keyfiyyətli xidmət təqdim etmək məqsədilə atdığımız bu addımlarda hər il özümüzlə yarışaraq standartlarımızı daha da yüksəldirik.
Hal-hazırda tamamlanmaq üzrə olan və ağıllı telefonlarla uyğun işləyəcək nəzarət sistemlərini yaxın zamanda tətbiq sahəsinə qazandırmağı hədəfləyirik. Sənaye soyutma sektoru üçün Türkiyə və dünya üzrə ilk olacaq bu inqilabi tətbiq, yaxın gələcəkdə layihələrimizdə yer alacaq və müştərilərimizin istifadəsinə təqdim olunacaqdır. Gənc, dinamik və şəffaf quruluşumuz bizi yenilikçi və yüksək performanslı bir şirkətə çevirmişdir.
Performansımızı qorumaq və hər il özümüzü yeniləmək məqsədilə şəffaflıq, dürüstlük və etibarlılıq prinsiplərini şirkətimizin dəyişməz əsas dəyərlərinə çevirmişik. Bu dəyərlər sayəsində və güclü maliyyə strukturumuzla tədarükçülərimiz, müştərilərimiz və dəyərli əməkdaşlarımızla birlikdə böyüməyə davam edir və sektora yeni nəfəs gətiririk. Sosial məsuliyyət layihələrimiz çərçivəsində "TƏBİƏT BİZƏ MİRAS DEYİL, ƏMANƏTDİR" şüarı ilə ATLAS DIVING TEAM üzvlərimiz müxtəlif qeyri-hökumət təşkilatları ilə birgə dənizlərin təmizlənməsi layihələrinə töhfə verməkdədir. Yeni fəaliyyət ilində bu sosial layihələrə dəstəyimiz daha da artırılacaqdır.
Əldə etdiyimiz uğurların davamlılığını təmin edən, başda dəyərli əməkdaşlarımız olmaqla, müştərilərimizə, tədarükçülərimizə və distribyutorlarımıza verdikləri dəstəyə görə dərin təşəkkürümü bildirirəm.
Hörmətlə,
Saim ÜLGÜ
İdarə Heyətinin Sədri
AZ
TR
RU
EN