Nəzarətli Atmosfer Sistemləri

Nəzarətli atmosfer avadanlıqlarının istehsalı və layihələndirilməsi sahəsində dünyanın sayılı şirkətlərindən biri olan Besseling Group ilə tərəfdaşlıq müqaviləsi nəticəsində nəzarətli atmosfer anbarı tətbiqlərini dünyada istifadə olunan ən son texnologiyalardan istifadə edərək layihələrimizdə həyata keçiririk.

Atlas Soyutma Sistemləri, meyvə və tərəvəzlərin təravətini ən yüksək səviyyədə qorumaq üçün Nəzarətli Atmosfer Saxlama (NAS) həlləri təqdim edir. Bazardakı vəziyyətə və təklif-tələbə görə məhsulların keyfiyyəti formalaşarkən, məhsulların keyfiyyətini saxlama prosesində qorumağın ən təsirli yolu NAS (Nəzarətli Atmosfer) saxlama sistemləridir. Bu sistemdə məhsulların fizioloji prosesləri yavaşladılır və saxlanma müddəti uzadılır. Məhsullar demək olar ki, qış yuxusuna getmiş kimi uzun müddət təzə qalır.

NAS (Nəzarətli Atmosfer) texnologiyası anbar daxilində ideal atmosfer yaradaraq bu şəraiti davamlı saxlayır. Anbardakı oksigen səviyyəsinin azaldılması, qidaların nəfəs və metabolizm sürətini azaldır və beləliklə keyfiyyət qorunur. Oksigenin bir hissəsi karbon dioksidə (CO2) çevrilir ki, bu da məhsulların nəfəs alma prosesini daha da yavaşladır. Lakin CO2-nin məhsulların korlanmasına səbəb olmasının qarşısını almaq üçün anbardakı artıq CO2 xaric edilməlidir. Etilen qazı isə meyvə və tərəvəzlərin yetişmə prosesini sürətləndirərək qocalmalarına səbəb olur. Bu təsiri minimuma endirmək üçün NAS anbarlarında etilen qazının filtrasiya sistemi ilə mühitdən çıxarılması təmin edilir.

Hər məhsul üçün uyğun saxlama şəraiti fərqlidir. İqlim, yetişdirmə şəraiti və yığım vaxtından asılı olaraq hər məhsul üçün optimal atmosfer tənzimləmələri tələb olunur. Atlas Soyutma Sistemləri, mütəxəssisliyi ilə məhsullarınızın saxlama şəraitini diqqətlə idarə edir və sizə xüsusi həllər təqdim edir.  Nəzarətli Atmosfer Saxlama  qiyməti, soyuq otaq qiymətlərinə əlavə olaraq təxminən %40 artım göstərir.