Ön soyutma, meyvə və tərəvəzlərin yığılmasından qısa müddət sonra tarladakı istiliyin sürətlə aradan qaldırılması deməkdir. Tarladakı istilik, yığılan məhsulun temperaturu ilə onun optimal saxlanma temperaturu arasındakı fərq kimi müəyyən edilə bilər.
Bu gün qida sahəsində ən böyük ehtiyac soyuducu anbarlardır. Soyuducu anbarlarda ən kritik əməliyyatlardan biri də ön soyutma prosesidir. Soyuducu anbarlarda qidaların uzun müddət saxlanması sayəsində hər mövsüm meyvə və tərəvəz istehlak etmək mümkündür.
Ön soyutma, bağdan və tarladan yığılan məhsullar soyuducu anbara daxil olmadan əvvəl günəşin yaratdığı istiliyin götürülərək soyudulması prosesidir.
Toplanmış məhsullara tətbiq olunan ön soyutma sayəsində məhsullar mərhələli şəkildə soyudulur. Bu yolla məhsulların ani dondurulması və daxili quruluşunun pozulması qarşısı alınır.
Ön soyutmanın ən böyük üstünlüyü məhsulların daha uzun müddət saxlanmasını təmin etməsi və soyuducu anbarların şoklama və saxlama yüklərini azaltmasıdır. Buna görə şoklama və soyuducu saxlama üçün daha kiçik sistemlər seçilir, beləliklə enerji sərfiyyatı azalır və soyuducu anbarın investisiya və istismar xərcləri düşür.
Meyvə və tərəvəzlər yığıldıqdan sonra olduqları temperaturdan, optimal saxlanma temperaturuna qədər sürətlə soyudulmalıdır. Optimal saxlanma temperaturuna qədər soyutma prosesinə ön soyutma deyilir.
Meyvə və tərəvəzlər soyuducuda saxlanacaqsa, ön soyutma edilərək əsas saxlanma temperaturunda qorunurlar. Lakin hər meyvə və tərəvəz üçün ön soyutma tətbiq olunmur. Məsələn, kartof və soğan üçün ön soyutma lazım deyil. Ön soyutma tətbiq ediləcəksə, yığımdan dərhal sonra edilməlidir. Məhsul anbara daxil olmadan əvvəl temperaturu endirilməlidir. Xüsusilə ömrü qısa, tez xarab olan məhsullar üçün bu sistem vacib və faydalıdır.
Ön soyutma ilk olaraq tarlada başlayır; məhsullar yığıldıqda üzərinə su səpilir və ya hava üfürülür. Tarlada edilən soyutma müvəqqəti soyutmadır. Məhsullar soyuducu anbara daşınarkən üzərinə hava üfürmə metodu ən çox istifadə edilən yoldur. Əgər hava üfürmə sonrası meyvə və tərəvəzlərdə solma müşahidə olunursa, su püskürdülərək nəmli ön soyutma aparılır.
Uzman komandamız layihələndirmə işlərini effektivlik və ekoloji amilləri ön planda saxlayaraq sizin üçün ən doğru soyutma sistemini dizayn edir.
Ön soyutma ilə təzə meyvə və tərəvəzlər kimi geniş məhsul çeşidini qorumaq üçün qida sənayesinin bir çox tələblərinə cavab verən həllər təqdim edirik. Layihənizə uyğun soyutma qurğuları quraraq ehtiyaclarınıza uyğun xidmət göstəririk. Xidmətlərimiz barədə ətraflı məlumat almaq üçün əlaqə vasitələrimizdən bizə müraciət edə bilərsiniz.
AZ
TR
RU
EN